فرمان الہی
نماز کے اوقات
پاکستان مسلم لیگ ن آپریشن بنیان مرصوص کی شاندار کامیابی پر وزیراعظم میاں شہباز شریف کی طرف سے ہر سال 10 مئی کو یوم معرکہ حق منانے کے اعلان کا خیرمقدم کیا ہے۔
جنگ سے گفتگو کرتے ہوئے فرانس کے سینئر رہنماؤں سردار ظہور اقبال، چیرمین پاکستان بزنس فورم فرانس و معروف دانشور راجہ محمود راہی اور ن لیگی چیئرمین فرانس راجہ علی اصغر نے عہد کیا کہ انشااللہ ہم یوم معرکہ حق ہر سال پورے ملک میں جوش و خروش اور جذبہ ملی وحدت سے منایا کریں گے، وزیراعظم میاں شہباز شریف اور چیف آف آرمی اسٹاف جنرل سید عاصم منیر کی قیادت میں ہماری بہادر مسلح افواج کی پیشہ ورانہ صلاحیتوں نے اوورسیز پاکستانیوں کے سر فخر سے بلند کر دیے۔
انھوں نے کہا کہ اوورسیز پاکستانی اس عظیم کامیابی کو کبھی نہیں بھلا سکیں گے دنیا بھر میں پاکستان کی عسکری تاریخ میں یہ معرکہ سنہری حروف سے لکھا جائے گا۔
انھوں نے کہا وزیراعظم شہباز شریف کی ہدایت کے مطابق 16 مئی 2025، جمعہ کے روز پاکستان کو دفاعی محاذ پر شاندار کامیابی سے ہمکنار کرنے پر افواج پاکستان کو خراج تحسین پیش کرنے اور اللہ کے حضور سجدہ شکر بجا لانے کے دن کو بھر پور طریقے سے منائیں گے۔
ان رہنماؤں نے کہا پاکستان کی عزت و عظمت کے تحفظ اور دفاع میں جس نے جس محاذ پر جو خدمات سر انجام دی ہیں، ان کا اعتراف قومی سطح پر وقت کی اہم ضرورت ہے۔
