فرمان الہی
نماز کے اوقات
بین اینڈ جیری کے شریک بانی کو غزہ پر امریکی پالیسی کے خلاف سینیٹ اجلاس میں احتجاج کرنے پر گرفتار کر لیا گیا۔
معروف آئس کریم کمپنی بین اینڈ جیری کے شریک بانی بین کوہن کو 6 دیگر افراد کے ہمراہ امریکی سینیٹ کے اجلاس میں غزہ پر اسرائیلی جنگ کی امریکی حمایت کے خلاف احتجاج کرنے پر گرفتار کر لیا گیا۔
یہ واقعہ اس وقت پیش آیا جب امریکی وزیرِ صحت رابرٹ ایف کینیڈی جونیئر وفاقی صحت ایجنسیوں میں اپنی مجوزہ اصلاحات پر قانون سازوں کو بریفنگ دے رہے تھے۔
بین کوہن نے احتجاج کرتے ہوئے کہا کہ کانگریس غزہ میں غریب بچوں کو بم خرید کر مارتی ہے اور اس کی قیمت امریکا میں میڈیکیڈ سے بچوں کو نکال کر ادا کرتی ہے، یہ الفاظ بولنے کے فوراً بعد بین کوہن کو پولیس نے گرفتار کر لیا۔
یو ایس کیپیٹل پولیس کے مطابق مظاہرین کو رش، رکاوٹ ڈالنے یا پریشانی پیدا کرنے کے الزامات میں گرفتار کیا گیا ہے، کچھ پر پولیس اہلکار پر حملے یا گرفتاری میں مزاحمت کے الزامات بھی عائد کیے گئے ہیں۔
بین کوہن کو صرف رش یا رکاوٹ ڈالنے کے جرم میں چارج کیا گیا، جو ایک معمولی جرم ہے اور اس کی سزا 90 دن قید یا 500 ڈالر جرمانہ یا دونوں ہو سکتی ہے۔
واضح رہے کہ بین کوہن اور جیری گرین فیلڈ معروف کمپنی بین اینڈ جیری کے دوسرے بانی ہیں، بین کوہن اپنی ترقی پسند سرگرمیوں کے لیے جانے جاتے ہیں، جس میں خصوصاً فلسطین، غزہ اور مقبوضہ مغربی کنارے میں اسرائیل کی کارروائیوں کی مخالفت شامل ہے۔
