فرمان الہی
نماز کے اوقات
انسدادِ دہشت گردی راولپنڈی کے کمرۂ عدالت میں بانیٔ پی ٹی آئی عمران خان کی ہمشیرہ علیمہ خان اور پارٹی رہنما کنول شوزب کا آمنا سامنا ہوا۔
کنول شوزب نے کہا، ’علیمہ آپا، میں نے آپ سے بات کرنی ہے‘، اس پر علیمہ خان نے کہا، ’بس چھوڑو، ٹھیک ہے جو تم نے کہا، ہمارے خلاف اور بہت سارے لوگ باتیں کرتے ہیں، ہمیں اب عادت ہو گئی ہے ایسے الزامات کی۔‘
کنول شوزب نے کہا، ’میں آپ سے اسی سلسلے میں بات کرنا چاہتی ہوں‘، اس پر علیمہ خان نے کہا، ’میں آپ سے ناراض نہیں ہوں، آپ جاؤ۔‘
کنول شوزب نے علیمہ خان کو بتایا کہ پرانی ویڈیو کے مخصوص حصے کو میرے خلاف استعمال کیا گیا، اس پر علیمہ خان نے کہا کہ ہمارے خلاف ن لیگ اور دیگر لوگ بھی باتیں کرتے ہیں۔
یاد رہے کہ علیمہ خان کے خلاف کنول شوزب کی ایک ویڈیو کال وائرل ہوئی تھی، کنول شوزب نے علیمہ خان پر الزام عائد کیا تھا وہ پارٹی کو تباہ کرنے پر لگی ہوئی ہے۔
