• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صبا فیصل نے طلاقوں میں اضافے کی وجہ خواتین کو قرار دے دیا

---فائل فوٹو
---فائل فوٹو

پاکستانی ڈرامہ انڈسٹری کی سینئر اداکارہ صبا فیصل نے طلاقوں کی بڑھتی ہوئی شرح پر بیان دیتے ہوئے کہا ہے کہ اس کی بنیادی وجہ یہ ہے کہ آج کی خواتین مردوں سے مقابلہ کرنے لگی ہیں۔

اداکارہ نے حال ہی میں ایک شو میں شرکت کی، جہاں انہوں نے معاشرتی تبدیلیوں اور شادی شدہ زندگیوں پر اثر انداز ہونے والے عوامل پر گفتگو کی۔

 ان کا کہنا تھا کہ مرد کو اللّٰہ تعالیٰ نے ایک خاص مقام دیا ہے اور مرد و عورت کے درمیان فطری طور پر کوئی مقابلہ نہیں ہوسکتا۔

انہوں نے مزید کہا کہ جب عورت مرد سے مقابلہ کرنے لگتی ہے تو رشتہ عدم توازن کا شکار ہو کر بگڑ جاتا ہے۔

صبا فیصل نے زور دیا کہ شادی جیسے نازک بندھن میں دونوں فریقین کو توازن اور برداشت کا مظاہرہ کرنا چاہیے تاکہ رشتہ مضبوط بنیادوں پر قائم رہے۔

سوشل میڈیا سے متعلق بات کرتے ہوئے صبا فیصل نے کہا کہ میں ہمیشہ سے سوشل میڈیا پر متحرک رہی ہوں اور عوام کی محبت میرے لیے باعثِ فخر ہے۔

 انہوں نے بتایا کہ مجھے کبھی نفرت آمیز تبصرے کا سامنا نہیں کرنا پڑا، سوائے اس وقت کے جب میں نے اپنی بہو کے ساتھ تنازع سوشل میڈیا پر پوسٹ کیا تھا۔

ان کا مزید کہنا تھا کہ وہ کراچی میں کام کے سلسلے میں مقیم ہیں جبکہ ان کا خاندان لاہور میں ہے، جس وجہ سے سوشل میڈیا ان کے لیے اپنوں سے جڑے رہنے کا ایک ذریعہ بھی ہے۔

انٹرٹینمنٹ سے مزید