فرمان الہی
نماز کے اوقات
بھارت کے نامور صحافی راج دیپ سردیسائی نے نریندرمودی حکومت کی جنگ کی دوران کی پرفارمنس پر سوالات اٹھادیے ہیں۔
راج دیپ سردیسائی نے استفسار کیا کہ کیا یہ سچ ہے کہ پاکستان نے جنگ کے پہلے ہی دن ہماری فضائی طاقت اور طیاروں کو میزائل حملوں سے نقصان پہنچایا؟
بھارتی صحافی نے مزید کہا کہ یہ واضح ہے کہ بھارت نے ان نقصانات کی باضابطہ تردید نہیں کی، متعدد ذرائع سے تصدیق اور دوبارہ تصدیق کے بعد میں کنفرم کرسکتا ہوں کہ ہم نے جنگ میں طیارے کھوئے ہیں۔
انہوں نے مزید کہا کہ کتنے طیارے بھارت نے کھوئے؟ یہ بات حکام پر چھوڑ دینا بہتر ہے کہ وہ اس کی تصدیق کریں۔
راج دیپ سردیسائی نے سوال اٹھایا کہ کیا ہم نے کم از کم ایک رافیل طیارہ کھویا ہے؟ جیسا کہ مغربی میڈیا بڑے پیمانے پر قیاس آرائی کر رہا ہے؟
اُن کا کہنا تھا کہ دیکھیں، بھارتی حکام کی طرف سے اس کی ایک بار پھر تردید نہیں آئی، تردید نہ ہونے کی صورت میں اور متعدد ذرائع سے حاصل معلومات کی بنیاد پر میں کہہ سکتا ہوں کہ جی ہاں، ایک رافیل طیارہ جنگ میں ضائع ہوا۔
