کراچی (اسٹاف رپورٹر) نعمان خان نے عبدالباسط کو شکست دیکر سندھ اسکواش چیمپئن شپ جیت لی۔ انڈر19 کا ٹائٹل کبیر عالم نے طلحہ عالم و شکست دیکر جبکہ گرلز انڈر 15 کا فائنل فہمینہ نے علیشبا کو زیر کرکے اور بوائز انڈر 11 کے فائنل میں عمار علی نے غلام مصطفی کو شکست دی۔ بوائز انڈر15کے فائنل میں رفیع خان نے نمبر دو سیڈ اسامہ ظفر کو ہرا دیا۔ فائنل کے مہمان خصوصی لیجنڈ جہانگیر خان تھے جنہوں کھلاڑیوں میں انعامات تقسیم کئے اس موقع پر سندھ اسکواش کے سیکرٹری راشد احمد اور دیگر بھی موجود تھے۔ جہانگیر خان اسکواش کمپلکس میں کھیلی جانے والی چیمپئن شپ میں اتوار کو مینز سنگل کے فائنل میں ٹاپ سیڈ نعمان خان نے عبدالباسط کو صرف 25 منٹ کے کھیل میں 11-1، 11-4 اور 11-5 سے شکست دی۔ بوائز انڈر 19 کے فائنل میں کبیر عالم نے نمبر چار سیڈ طلحہ عالم کو دلچسپ مقابلے کے بعد 11-3، 11-8، 3-11، 9-11 اور 17-15 سے شکست دیکر ٹائٹل حاصل کیا۔ بوائز انڈر 15 کے فائنل میں نمبر تین رفیع خان نے نمبر دو سیڈ اسامہ ظفر کو اپ سیٹ شکست دی۔ گرلز انڈر 15 کے فائنل میں فہمینہ نے صرف 17 منٹ کے کھیل میں علیشبا کو ہرایا۔ بوائز انڈر 11 کے فائنل میں عمار علی نے غلام مصطفی کو شکست دیکر ٹائٹل حاصل کیا۔
فرمان الہی
نماز کے اوقات
