• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جو روٹ کی 12 سالہ پیدائشی نابینا بچے سے ملاقات

اسکرین گریب
اسکرین گریب

انگلینڈ کے سابق کپتان جو روٹ نے کرکٹ فینز کے دل جیت لیے، وہ 12 سالہ پیدائشی نابینا بچے روی سے شفقت سے پیش آئے اور تحفے بھی دیے۔

بھارت کے خلاف ایجبیسٹن ٹیسٹ کے چوتھے روز جو روٹ خصوصی طور پر نابینا کرکٹ فین روی سے ملنے آئے۔

12 سالہ روی کرکٹ سپورٹر ہیں جو اسٹیڈیم باقاعدگی سے آتے ہیں، جو روٹ روی کے پاس چل کر آئے، انہیں انگلینڈ کی دستخط شدہ شرٹ اور اپنے دستخط شدہ گلوز تحفے میں دیے۔

جو روٹ نے روی کا سپورٹ کرنے پر شکریہ ادا کیا اور کہا کہ اس کھیل سے ہمیشہ لطف اندوز ہوں۔

جو روٹ کے روی کے دن کو یادگار بنانے کو سراہا جارہا ہے۔

روی نے جو روٹ سے ہدف کے تعاقب کے حوالے سے بھی گفتگو کی۔

بھارت نے انگلینڈ کو جیت کے لیے 608 رنز کا ہدف دے رکھا ہے، انگلینڈ نے 3 وکٹوں کے نقصان پر 72 رنز بنائے ہیں، آج کھیل کا آخری روز ہے۔

کھیلوں کی خبریں سے مزید