فرمان الہی
نماز کے اوقات
تربیلا ڈیم کے اسپیل وے کھولنے سے دریائے سندھ میں سیلابی صورتِ حال پیدا ہوگئی، اٹک کی تحصیل خضرو فارمولی کے مقام پر دو منزلہ پولیس چوکی دریا برد ہوگئی۔
ڈیرہ غازی خان میں وڈور ندی میں اونچے درجے کا سیلابی ریلا گزر رہا ہے، حیدرآباد میں نیو پھلیلی کینال میں 40 فٹ چوڑا شگاف پڑگیا، جس سے قریبی دیہات متاثر ہوگئے۔
چکوال اور گرد و نواح میں موسلا دھار بارش ہوئی، اسلام آباد میں بھی موسلا دھار بارش ہوئی، نشیبی علاقوں اور نالوں کی مانیٹرنگ جاری ہے۔
صوابی میں طوفانی بارش اور لینڈسلائیڈنگ سے بند روڈ 36 گھنٹے گزرنے کے باوجود نہ کھل سکی، درجنوں دیہات کا ضلع صوابی سے زمینی رابطہ منقطع ہوگیا۔
بلوچستان کے علاقے واشک میں بارشوں کے بعد ندی میں طغیانی آگئی پتک میں ندی نالوں کا پانی بازار میں داخل ہوگیا۔
سیلابی ریلوں کے باعث درجنوں بند ٹوٹ گئے، پیاز کی تیار فصل زیرِ آب آگئی، ایک شخص جاں بحق ،30 بکریاں بھی ہلاک ہوگئیں۔
