فرمان الہی
نماز کے اوقات
اسپیکر پنجاب اسمبلی ملک محمد احمد خان کا کہنا ہے کہ مریم نواز عوام کی خدمت کر رہی ہیں، ہر طبقہ مطمئن نظر آتا ہے۔
وزیراعلیٰ پنجاب مریم نواز سے اسپیکر صوبائی اسمبلی ملک محمد احمد خان کی ملاقات ہوئی۔
دورانِ ملاقات صوبے کی مجموعی سیاسی و انتظامی صورت حال پر تبادلۂ خیال کیا گیا۔
ملک محمد احمد خان نے مون سون کے دوران پنجاب حکومت کے اقدامات کو سراہا۔
اُنہوں نے منہگائی، تجاوزات مافیا کے سدباب کےلیے پنجاب انفورسمنٹ اینڈ ریگولیٹری اتھارٹی کے قیام پر خراجِ تحسین پیش کیا۔
مریم نواز نے کہا کہ پیرا جیسے شاندار ادارے کے قیام سے عام آدمی کو ریلیف ملے گا۔
اُنہوں نے کہا کہ پنجاب کے ہر فرد کی فلاح ترجیح ہے اور یہی سوچ ہر فیصلے کی بنیاد ہے، عوام کی بنیادی سہولتوں تک رسائی میرا نصب العین ہے۔
اسپیکر پنجاب اسمبلی نے کہا کہ وزیرِاعلیٰ عوام کی خدمت کر رہی ہیں، ہر طبقہ مطمئن نظر آتا ہے، ترقیاتی منصوبوں کا مرکز لاہور یا بڑے شہر نہیں بلکہ پنجاب کا ہر پسماندہ علاقہ ہے۔
