فرمان الہی
نماز کے اوقات
خیبر پختون خوا اسمبلی میں مخصوص نشستوں پر کامیاب ہونے والے اراکین کی حلف برداری گورنر ہاؤس خیبر پختونخوا میں ہوئی۔
گورنر خیبر پختون خوا فیصل کریم کنڈی نے مخصوص نشستوں پر منتخب ارکان اسمبلی سے حلف لیا، جے یو آئی کی 7 خواتین اور 2 اقلیتی اراکین نے حلف اٹھایا۔
مسلم لیگ ن کی 7 خواتین اور ایک اقلیتی رکن نے حلف اٹھایا، پیپلز پارٹی کی 4 خواتین اور ایک اقلیت رکن حلف اٹھانے والوں میں شامل ہیں، اے این پی کی 2 اور پی ٹی آئی پی کی ایک خاتون نے حلف اٹھایا۔
خیبر پختونخوا اسمبلی میں 145 اراکین کی تعداد مکمل ہوگئی۔
خیال رہے کہ کے پی کے اسمبلی کے اجلاس میں مخصوص نشستوں پر منتخب 25 ارکان حلف نہیں اٹھا سکے تھے، آج اجلاس شروع ہوتے ہی کورم کی نشاندہی کی گئی تھی، جس پر اسپیکر بابر سلیم سواتی نے اجلاس 24 جولائی دوپہر 2 بجے تک ملتوی کر دیا تھا۔
اس معاملے پر اپوزیشن جماعتیں پشاور ہائی کورٹ پہنچیں اور چیف جسٹس پشاور ہائی کورٹ نے حلف برداری کے لیے گورنر کو نامزد کیا۔
ہائی کورٹ کے اعلامیے میں کہا گیا ہے کہ گورنر نئے منتخب ارکان کی حلف برداری یقینی بنائیں، سیکریٹری اسمبلی نئے ارکان کے رول آف نمبرز پر دستخط کروانے میں معاونت کریں۔
