فرمان الہی
نماز کے اوقات
معروف اداکارہ مہوش حیات نے ساحر لودھی کے حق میں آواز بلند کرتے ہوئے ان کی ممکری کرنے والے اداکاروں کو مشورہ دیا ہے کہ احترام کا دامن نہ چھوڑیں۔
اداکار و میزبان ساحر لودھی ایک بار پھر سوشل میڈیا پر توجہ کا مرکز بن گئے، ان کی روزمرہ کی مصروفیات پر مبنی ویڈیوز وائرل ہو چکی ہیں اور عوام کو ان کا انداز بےحد پسند آ رہا ہے۔
تاہم ان ویڈیوز کی مقبولیت کے بعد کئی معروف فنکاروں نے ساحر لودھی کی نقالی پر مبنی ویڈیوز بنانا شروع کردیں۔ ان میں فیصل قریشی، یاسر نواز اور اعجاز اسلم شامل ہیں، سب سے پہلے ویڈیو یاسر نواز نے بنائی، جس کے بعد دیگر فنکاروں نے بھی اسی طرز پر ویڈیوز بنا کر سوشل میڈیا پر پوسٹ کیں۔
اس صورتحال پر مہوش حیات نے شدید ردِ عمل دیا، انہوں نے کہا کہ ساحر لودھی نے اس سخت اور مسابقتی انڈسٹری میں اپنی جگہ بنائی اور آج بھی اپنے مقام پر ہیں، کسی کے انداز سے اختلاف کیا جا سکتا ہے، مگر بنیادی احترام کا دامن کبھی نہیں چھوڑنا چاہیے۔
انہوں نے مزید کہا کہ معاشرے میں نرمی اور رواداری کی ضرورت ہے اور طنز و تمسخر کی بجائے ایک دوسرے کو سہارا دینا چاہیے۔
ادھر ساحر لودھی نے بھی اس بارے میں بات کی ہے اور واضح کیا ہے کہ وہ ان ویڈیوز سے لطف اندوز ہو رہے ہیں اور اپنی کارکردگی پر پوری توجہ دے رہے ہیں۔
