فرمان الہی
نماز کے اوقات
امریکی اسپیشل فورسز کے سابق لیفٹیننٹ کرنل انتھونی اگوئی لیرا نے غزہ میں خوراک پروگرام کی آڑ میں بھوک سے نڈھال نہتے فلسطینیوں کے قتلِ عام سے پردہ اُٹھا دیا۔
امریکی اسپیشل فورسز کے سابق لیفٹیننٹ کرنل نے بتایا کہ اُنہوں نے اسرائیلی ڈیفنس فورسز کو جنگی جرائم کا ارتکاب کرتے دیکھا، اسرائیلی فوجیوں نے توپوں کے گولے، مارٹر اور ٹینک کے گولے نہتے شہریوں پر فائر کیے، اسرائیلی فوجیوں نے مکاوا ٹینک سے گولے فائر کر کے عام شہریوں کی گاڑی کو تباہ کیا جو گاڑی چلا رہے تھے۔
اسرائیلی جارحیت سے پردہ اُٹھانے والے لیفٹیننٹ کرنل غزہ میں تعینات امریکی سیکیورٹی گارڈز میں شامل تھے اور وہاں سے اُس وقت واپس لوٹ آئے تھے جب انہوں نے اپنے امریکی اور اسرائیلی ساتھیوں کو فلسطینی شہریوں کا قتل عام کرتے دیکھا۔
یاد رہے کہ 7 اکتوبر 2023 سے اب تک اسرائیلی فورسز کے ہاتھوں 59 ہزار سے زائد فلسطینی شہید ہو چکے ہیں جبکہ ایک لاکھ 20 ہزار سے زائد افراد زخمی ہو چکے ہیں۔
