فرمان الہی
نماز کے اوقات
بھارت نے ورلڈ چیمپئن شپ آف لیجنڈز (ڈبلیو سی ایل) 2025ء کے سیمی فائنل میں پاکستان سے مقابلہ کرنے سے انکار کردیا، جو سوشل میڈیا صارفین کی توجہ کا مرکز بن گیا۔
سابق کپتان اور مایہ ناز آل راؤنڈر شاہد آفریدی کی موجودگی کے سبب ڈبلیو سی ایل 2025ء کے سیمی فائنل سے بھارت کی دستبرداری کے بعد صارفین نے پاکستانی سابق کپتان کا موازنہ لائن کنگ سے کر دیا۔
مختلف سوشل میڈیا پلیٹ فارمز پر شاہد آفریدی کی ایک ویڈیو و تصویر خوب وائرل ہو رہی ہے۔
وائرل ویڈیو میں بھارتی کھلاڑیوں کو گراؤنڈ سے واپس جاتے ہوئے دیکھا جاسکتا ہے جبکہ اسی ویڈیو کے اختتام پر پویلین میں کھڑے شاہد آفریدی بھارتی کھلاڑیوں کی واپسی کے مناظر کا مشاہدہ کرتے دکھائی دے رہے ہیں۔
اس موقع پر لی گئی ایک تصویر بھی سوشل میڈیا صارفین کی توجہ کا مرکز بن گئی ہے۔
مذکورہ تصویر میں شاہد آفریدی کچھ اس انداز میں پویلین میں کھڑے ہیں کہ ان کے صارفین ان کا موازنہ لائن کنگ سے کر رہے ہیں۔
