فرمان الہی
نماز کے اوقات
پاکستان اسٹاک ایکسچینج (پی ایس ایکس) میں سرمایہ کاروں کے اعتماد کے باعث کاروباری ہفتے کے دوسرے روز نئی تاریخ رقم ہوگئی۔ 100 انڈیکس نے ایک لاکھ 43 ہزار کی حد عبور کرلی۔
بازار حصص میں کاروبار کے دوران زبردست تیزی دیکھی گئی، کاروبار کے اختتام پر 100 انڈیکس میں 984 پوائنٹس کا اضافہ ریکارڈ ہوا جس کے بعد 100 انڈیکس ایک لاکھ 43 ہزار 37 پوائنٹس کی بلندی پر بند ہوا۔
کاروبار کے دوران 100 انڈیکس ایک لاکھ 43 ہزار 281 کی بلند ترین سطح پر بھی پہنچا۔
اسٹاک مارکیٹ میں آج 54 کروڑ کے شیئرز کا کاروبار ہوا جس کی مالیت 36 ارب رہی۔
واضح رہے کہ گزشتہ روز کاروبار کے اختتام پر 100 انڈیکس ایک لاکھ 42 ہزار 52 پوائنٹس کی بلندی پر بند ہوا تھا۔
