فرمان الہی
نماز کے اوقات
مصر کے صدر عبدالفتاح السیسی کا کہنا ہے کہ مصر کا غزہ پٹی کے گرد ظالمانہ محاصرے میں کوئی کردار نہیں
ویتنام کے صدر کے ہمراہ مشترکہ خطاب میں مصری صدر کا کہنا تھا کہ مصر غزہ پٹی اور فلسطینیوں کے حوالے سے اپنے موقف سے ہرگز پیچھے نہیں ہٹا۔
عرب میڈیا کے مطابق صدر السیسی نے کہا کہ مصر فلسطینیوں کی جلا وطنی میں حصہ لے گا نہ ہی حمایت کرے گا۔
انہوں نے کہا کہ گزشتہ مہینوں میں غزہ پہنچنے والے امدادی سامان کا 70 فیصد حصہ مصر نے بھیجا تھا۔
صدر السیسی کا کہنا تھا کہ اسرائیل کے زیر قبضہ رفح گزرگاہ سے امدادی سامان کی غزہ میں داخلے میں بڑی رکاوٹ ہے۔
انہوں نے کہا کہ مصری رفح گزرگاہ پر ابھی بھی امدادی سامان سے لدے 5 ہزار ٹرک کھڑے ہوئے ہیں۔
السیسی کا کہنا تھا کہ مصر پر غزہ کے لئے امدادی سامان روکنے کا الزام انتہائی گھٹیا سوچ رکھنے والے لگا رہے ہیں، غزہ کی تباہی اور بربادی پر تاریخ کچھ ممالک کا محاسبہ ضرور کرے گا۔
