کراچی ( اسٹاف رپورٹر)29ویں قومی خواتین ہاکی چیمپئن شپ جمعرات سے سے نصیر بندہ ہاکی اسٹیڈیم اسلام آباد میں شروع ہوگی جبکہ فائنل 12اگست کو کھیلا جائے گا ۔ پاکستان واپڈا اپنے اعزاز کا دفاع کرے گی چیمپئن شپ میں گیارہ ٹیمیں واپڈا، ریلویز، آرمی، ایچ ای سی،پنجا ب کلرز، پنجاب وائٹس، سندھ کلرز، سندھ وائٹس، خیبر پختونخوا، بلوچستان اور اسلام آباد حصہ لیں گی۔ٹیموں کو دو پول میں تقسیم کیا گیا ہے اور ٹاپ دو ٹیمیں فائنل کےلئے کوالیفائی کریں گی۔ چیمپئن شپ کے دوران خواتین ایشیا کپ ہاکی ٹورنامنٹ کے لئے قومی ٹیم کا انتخاب بھی کیا جائے گا جس کے لئے قومی سلیکشن کمیٹی کا اعلان کردیا گیا ہے، سابق ہاکی اولمپئن سلیم شیروانی چیف سلیکٹر ہونگے ارکان میں مصدق حسین اور چاند پروین شامل ہیں۔
فرمان الہی
نماز کے اوقات
