فرمان الہی
نماز کے اوقات
پاکستان کرکٹ بورڈ (پی سی بی) نے خواتین کرکٹرز کے لیے سینٹرل کنٹریکٹ 26-2025ء کا اعلان کر دیا۔
خواتین ٹیم کی 20 کھلاڑیوں کو 5 کیٹیگریز میں کنٹریکٹس دیے گئے ہیں۔ ابھرتی کھلاڑیوں کیلئے ایمرجنگ کیٹیگری متعارف کروائی گئی ہے۔
نوجوان کرکٹرز ایمان فاطمہ اور شوال ذوالفقار ایمرجنگ کیٹگری میں شامل ہیں اور تمام کیٹیگریز میں پلیئرز کے معاوضوں میں 50 فیصد اضافہ کیا گیا ہے۔
آئی سی سی ٹی ٹوئنٹی رینکنگ کی نمبر ون بولر سعدیہ اقبال، فاطمہ ثناء، منیبہ علی اور سدرہ امین کو کیٹیگری اے میں شامل کیا گیا۔
کیٹیگری بی میں عالیہ ریاض، ڈیانا بیگ، نشرا سندھو کو اور کیٹیگری سی کا کنٹریکٹ رمین شمیم کو ملا ہے۔
کیٹیگری ڈی میں گل فیروزہ، نجیہ علوی، ناتالیہ پرویز، عمائمہ سہیل، صدف شمس، سدرہ نواز، عروب شاہ، طوبیٰ حسن، ام ہانی اور وحیدہ اختر شامل ہیں۔
