فرمان الہی
نماز کے اوقات
ناروے کپ فٹبال میں شرکت کرنے والی پاکستان کی مسلم ہینڈز ٹیم کے فٹ بالر امان اللّٰہ رؤف اوسلو میں غائب ہوگئے۔
ترجمان مسلم ہینڈز فٹبال ٹیم کے مطابق فٹبالر امان اللّٰہ رؤف بلوچ کا تعلق کراچی کے علاقے لیاری سے ہے جو ناروے کپ کے پہلے ہی روز اوسلو میں غائب ہوگئے تھے۔
ترجمان مسلم ہینڈز کا بتانا ہے کہ فٹبالر امان اللّٰہ ایونٹ کی استقبالیہ تقریب میں بھی نہیں آئے حتیٰ کہ اب مسلم ہینڈز کی ٹیم وطن واپس آچکی ہے۔
ترجمان کے مطابق امان اللّٰہ کا پاسپورٹ ناروے میں پاکستانی سفارتخانہ میں جمع کروادیا ہے اور ناروے پولیس سمیت پاکستانی سفارتخانہ کو تمام صورتحال سے آگاہ کیا جا چکا ہے۔
واضح رہے کہ پاکستانی ٹیم بیٹر فیوچر پاکستان نے ناروے کپ میں انڈر 15 کا ٹائٹل اپنے نام کیا تھا۔
ناروے کپ میں انڈر 15 ایونٹ میں شریک بیٹر فیوچر پاکستان کی ٹیم لیاری کے کھلاڑیوں پر مشتمل تھی، بیٹر فیوچر کی ٹیم پورے ٹورنامنٹ میں ناقابل شکست رہی اور ہر میچ میں حریف کو آؤٹ کلاس کرتے ہوئے ٹرافی اپنے نام کی تھی۔
