فرمان الہی
نماز کے اوقات
سپر اسٹار بننے کا چانس، امنگوں اور خوابوں کی تکمیل کا جوشیلا اور سریلا مقابلہ بہت جلد آپ کی اسکرینز کی زینت بننے والا ہے۔
جیو ٹی وی کی روایت ہے کہ پاکستان بھر میں اپنے ناظرین کے لیے ہمیشہ ہی شاہکار پروجیکٹس پیش کرتا رہا ہے ، جن میں لیجنڈ آف مولا جٹ، پرائس از رائٹ، ڈونکی کنگ، گلاس ورکر، انعام گھر، طیفا ان ٹربل اور پاکستان آئڈل جیسے یاد گار پروجیکٹس شامل ہیں۔
اس مرتبہ بھی، جیو اپنے ناظرین کے جوش اور پسند کو مد نظر رکھتے ہوئے ایک بار پھر لا رہا ہے دنیا کا سب سے بڑا میوزک مستی مقابلہ ’پاکستان آئیڈل۔جو ایم ایچ ایل کی پیشکش ہے۔
یاد رہے، فری منٹل کی ملکیت، آئیڈل، فرنچائز ٹیلی وژن کے سب سے کامیاب اور دلوں کو چھو جانے والے فارمیٹس میں سے ایک ہے جو ایک جانی مانی حقیقت بن چکا ہے، جو ایک سو پچاس سے زائد ممالک میں مقبولیت کے جھنڈے گاڑ چکا ہے، جس کے اب تک پچپن مقامی ورژن بھی بن چکے ہیں اور جو اب تک چھ ارب سے زائد ووٹ حاصل کرچکا ہے۔
اس سلسلے میں ایم ایچ ایل گلوبل کی ڈائریکٹر زویا مرچنٹ کا کہنا ہے کہ پاکستان میں موسیقی سے بے پناہ لگاؤ رکھنے والے باصلاحیت افراد کی کوئی کمی نہیں اور یہ ایک ایسا پلیٹ فارم ہے جو انہیں ناصرف قومی بلکہ بین الاقوامی سطح پر بھی متعارف کروائے گا۔
پاکستان بھر میں جیو ٹی وی کے ناظرین ’پاکستان آئیڈل‘ بہت جلد اور سب سے پہلے جیو ٹی وی پر دیکھ سکیں گے۔
اس کے ساتھ ساتھ ’پاکستان آئیڈل‘ جیو کے علاوہ دیگر ٹی وی چینلز اور اسٹریمنگ سروسز پر بھی نشر ہوگا لیکن کچھ تاخیر سے۔
مگر آپ بلا تاخیر فون اٹھائیں، اپنا ڈیجیٹل آڈیشن فوراً http://PI.begin.watch پر اپ لوڈ کریں اور شامل ہو جائیں دنیا کے سب سے بڑے میوزک مستی مقابلے پاکستان آئیڈل میں، کیا خبر اگلا ’پاکستان آئیڈل‘ آپ ہوں۔
