اینٹی کرپشن حکام کا کہنا ہے کہ ایڈیشنل ڈپٹی کمشنر ریونیو سیالکوٹ اقبال سنگھیڑا کو کرپشن کے الزام میں گرفتار کرلیا گیا۔
ذرائع اینٹی کرپشن کے مطابق اقبال سنگھیڑا نے بطور اے ڈی سی آر ہاؤسنگ سوسائٹی کی این او سی کے بدلے 17 کروڑ کی رشوت لی۔
ذرائع کے مطابق زاہد جاوید نامی شہری کی درخواست پر کارروائی عمل میں لائی گئی، 17 کروڑ میں سے 12کروڑ روپے ریکور کر لیے گئے، 5 کروڑ روپے کی برآمدگی کے لیے چھاپے مارے جا رہے ہیں۔
اینٹی کرپشن کے مطابق لاہور میں ملزم کے گھر میں پیسوں سے بھری گاڑی برآمد کی گئی۔