فرمان الہی
نماز کے اوقات
اس بار دل دھڑکیں گے تیز، سانسیں تھم جائیں گی اور ہر طرف گونجے گا آواز کا جادو، پاکستان کے نوجوانو! لمحہ آ گیا ہے اپنی صلاحیت کو دنیا کے سامنے منوانے کا، کیونکہ پاکستان کا سب سے بڑا اور مقبول میوزک مقابلہ ’پاکستان آئیڈل‘ کی صورت میں ایک شاندار انداز میں واپس آ رہا ہے۔
اس بار ججز کی کرسیوں پر بیٹھے ہوں گے، استاد راحت فتح علی خان، دلوں کے ہیرو فواد خان، سریلی آواز کی ملکہ زیب بنگش اور میوزک کے ماسٹر بلال مقصود۔
مقابلہ ہو گا سخت، جوش ہو گا بے پناہ اور خواب بنیں گے حقیقت۔
ابھی فون اٹھائیں، آڈیشن اپ لوڈ کریں اور اگلے پاکستان آئیڈل بننے کا موقع نہ گنوائیں کیونکہ شاید یہ وقت، یہی لمحہ آپ کا ہو۔
تفصیلات کے مطابق پاکستان کے سب سے مقبول انٹرٹینمنٹ چینل ’جیو ٹی وی‘ پر پاکستان آئیڈل کی واپسی کی خبر سنتے ہی نوجوانوں میں خوشی کی لہر دوڑ گئی ہے اور ہر طرف آڈیشن اپ لوڈ کرنے کی دوڑ شروع ہو گئی ہے۔
’جیو ٹی وی‘ پر اس خبر نے دھوم مچا دی ہے کہ اس بار مقابلہ پہلے سے بھی زیادہ سخت ہو گا کیونکہ ججز کے طور پر 4 بڑے نام سامنے آ رہے ہیں، استاد راحت فتح علی خان، فواد خان، زیب بنگش اور بلال مقصود جو نئے گلوکاروں کی آواز اور فن کا کڑا امتحان لیں گے۔
ایم ایچ ایل کی پیشکش پاکستان آئیڈل کے لیے نوجوانوں کی بڑی تعداد آڈیشنز اپ لوڈ کر رہی ہے، کیونکہ سپر اسٹار بننے کا خواب ہر دل میں دھڑک رہا ہے اور یہی خواب ان کی آوازوں کے سنگیت سے مل کر ایک نیا جادو پیدا کرے گا۔
جب یہ میوزک مستی مقابلے پاکستان کے نمبر ون انٹرٹینمنٹ چینل پر نشر ہوں گے تو مزہ دوبالا ہو جائے گا۔
ماضی میں خدا کے لیے، بول، طیفا ان ٹربل، ڈونکی کنگ، دی گلاس ورکر اور لیجنڈ آف مولا جٹ جیسے بلاک بسٹر پروجیکٹس پیش کرنے والا ’جیو ٹی وی‘ اس بار بھی ملک بھر میں میوزک کا نیا طوفان برپا کرنے جا رہا ہے۔
’پاکستان آئیڈل‘ کا کاؤنٹ ڈاؤن شروع ہو چکا ہے اور ناظرین یہ سنسنی خیز شو سب سے پہلے ’جیو ٹی وی‘ کی اسکرین پر دیکھ سکیں گے۔
ملک کے ہر کونے سے نوجوان اپنی آواز کے جادو سے سب کو محوِ حیرت کرنے کے لیے تیار ہیں۔
اگر آپ بھی اپنے خواب کو حقیقت میں بدلنا چاہتے ہیں تو ابھی فون اٹھائیں، اپنا ڈیجیٹل آڈیشن اپ لوڈ کریں اور شامل ہو جائیں دنیا کے سب سے بڑے میوزک مقابلے میں، کیا پتہ اگلا پاکستان آئیڈل آپ ہی ہوں۔
