فرمان الہی
نماز کے اوقات
پاکستانی اداکارہ علیزے شاہ کی نئی ویڈیو ایک مرتبہ پھر بحث اور تنقید کی وجہ بن گئی۔
متنازع لباس اور بیانات کے لیے مشہور علیزے شاہ نے کئی مشہور ڈراموں میں اپنی اداکاری کے جوہر دکھائے، اب ایک بار پھر وہ خبروں کی زینت بن گئی ہیں۔
گزشتہ دنوں وہ اپنی سابقہ ساتھی اداکارہ منسا ملک کے ساتھ جھگڑے اور سینئر گلوکارہ شازیہ منظور کے ساتھ ریمپ واک کے دوران پیش آنے والے واقعے پر کھل کر بات کرنے کی وجہ سے سوشل میڈیا پر توجہ کا مرکز بنی رہیں۔
حال ہی میں علیزے شاہ نے ایک ویڈیو شیئر کی جس میں ایک شخص انہیں کھانا کھلا رہا تھا اور اس کا ہاتھ واضح طور پر ویڈیو میں نظر آرہا تھا۔
سوشل میڈیا پر صارفین کا دعویٰ ہے کہ یہ ہاتھ علیزے شاہ کے بوائے فرینڈ کا ہو سکتا ہے جن کے ساتھ پہلے بھی تصاویر وائرل ہوئی تھیں۔
ویڈیو کے سوشل میڈیا پر وائرل ہوتے ہی صارفین کی جانب سے سخت ردعمل سامنے آیا۔
کچھ صارفین نے ویڈیو کو فضول قرار دیا جبکہ ایک صارف نے کہا یہ تو وہ معصوم دعا نہیں رہی جو ڈرامہ’عہدِ وفا‘ میں تھی۔
کچھ صارفین نے ایک مرتبہ پھر اداکارہ کے لباس کو تنقید کا نشانہ بنایا۔
