فرمان الہی
نماز کے اوقات
سعودی ولی عہد شہزادہ محمد بن سلمان سے فلسطینی صدر محمود عباس نے رابطہ کیا ہے، اس دوران غزہ سمیت اہم امور پر گفتگو ہوئی۔
غیرملکی میڈیا کے مطابق سعودی ولی عہد شہزادہ محمد بن سلمان سے فلسطینی صدر محمود عباس کے درمیان ٹیلی فونک گفتگو میں فلسطینی کاز، فلسطینیوں کو درپیش حالیہ صورتحال اور چیلنجز پر بات چیت ہوئی۔
دونوں عالمی رہنماؤں نے غزہ کی پٹی کی صورتحال، اس کے سیکیورٹی اور انسانی اثرات پر بھی اظہارِ خیال کیا۔
سعودی ولی عہد نے فلسطینی عوام کے خلاف کیے جانے والے جرائم کی مذمت کا اعادہ کیا۔
دونوں رہنماؤں نے بین الاقوامی برادری پر انسانی بحران سے نمٹنے اور شہریوں کے تحفظ کی ضرورت پر زور دیا۔
صدر محمود عباس نے شاہ سلمان اور ولی عہد کی ان کوششوں کو سراہا۔
گفتگو کے دوران محمود عباس نے کہا کہ سعودی ولی عہد کی کوششوں سے متعدد ملکوں نے فلسطینی ریاست کو تسلیم کرنے کا وعدہ کیا ہے۔
دونوں رہنماؤں کے درمیان 22 ستمبر کو نیویارک میں بین الاقوامی امن کانفرنس کی تیاریوں پر بھی تبادلہ خیال بھی ہوا۔
