فرمان الہی
نماز کے اوقات
پاکستان آئیڈل 2025ء کی میزبانی کا اعزاز سید شفاعت علی کو مل گیا۔
مزاح، مستی اور انٹرٹینمنٹ کے بادشاہ اپنی میزبانی سے شو کو یادگار بنانے کو تیار ہیں، سب کی نظریں ’جیو‘ پر جم گئیں۔
دنیا کے سب سے بڑے میوزک مقابلے ’پاکستان آئیڈل‘ کی گونج ایک بار پھر زور و شور سے ہر طرف سنائی دینے لگی ہے۔
شائقین کے دلوں میں یہ سوال گردش کر رہا تھا کہ اس سنسنی خیز سیزن کی میزبانی کون کرے گا؟ تو سن لیجیے یہ اعزاز حاصل کرنے جا رہے ہیں مزاح، برجستگی اور انٹرٹینمنٹ کے بادشاہ سید شفاعت علی، یہ وہی ہیں جو ہر اسٹیج کو جگمگاتے ہیں، ہر محفل کو رنگین اور ہر شو کو یادگار بنا دیتے ہیں۔
اس بار وہ ’پاکستان آئیڈل‘ کو بھی اپنی چمک اور توانائی سے چار چاند لگانے آ رہے ہیں۔
ایم ایچ ایل کی پیشکش ’جیو ٹی وی‘ پر پاکستان آئیڈل کے لیے نوجوانوں کی بہت بڑی تعداد آڈیشنز اپ لوڈ کر رہی ہے، پروگرام کے ججز کا اعلان پہلے ہی کیا جا چکا ہے۔
تو دیر نہ کیجئے! اگر آپ بھی گلوکاری کے خواب کو حقیقت میں بدلنا چاہتے ہیں تو ابھی فون اٹھائیں، اپنا ڈیجیٹل آڈیشن اپ لوڈ کریں اور شامل ہو جائیں دنیا کے سب سے بڑے میوزک مقابلے میں، کیا پتہ اگلا پاکستان آئیڈل آپ ہی ہوں؟
