فرمان الہی
نماز کے اوقات
سپریم کورٹ نے قومی احتساب بیورو (نیب) کیس میں سزا بھگتنے والے ملزم سردار حسین کو الزامات سے بری قرار دے دیا۔
عدالت عظمیٰ نے 14 صفحات پر مشتمل تفصیلی فیصلہ جاری کردیا ہے، جس میں کہا گیا کہ ملزم سردارحسین قید بھگت کر رہا ہوچکے ہیں۔
تفصیلی فیصلے میں مزید کہا گیا کہ سزا کاٹنے والے ملزم سردار حسین کے خلاف کرپشن کا کیس نہیں بنتا، بوگس چیک بنانے کا اعتراف کیشئر کرچکا ہے۔
سپریم کورٹ کے فیصلے میں یہ بھی کہا کہ دوران سماعت ملزم سردار حسین کےخلاف مالی فوائد کا کوئی ثبوت پیش نہیں کیا گیا۔
فیصلے میں کہا گیا کہ ملزم سردار حسین کے خاندان میں بھی کسی پر مالی فوائد لینے کے شواہد نہیں، ملزم کو الزامات سے بری کرکے ٹرائل کورٹ، ہائی کورٹ کی سزا کالعدم قرار دی جاتی ہے۔
سردار حسین نے 2018ء سے سپریم کورٹ میں اپیل دائر کر رکھی تھی، بریت کا فیصلہ جسٹس اطہر من اللّٰہ کی سربراہی میں 3 رکنی بینچ نے جاری کیا۔
یاد رہے کہ سابق ڈپٹی سیکریٹری سردار حسین کو کرپشن الزامات پر 2015ء میں3 سال قید اور 45 لاکھ جرمانے کی سزا سنائی گئی، جس کے خلاف میرٹ پر بریت کی اپیل کی گئی۔
