فرمان الہی
نماز کے اوقات
وزیر اطلاعات پنجاب عظمیٰ بخاری نے کہا ہے کہ جس کا دل چاہتا ہے 9 مئی کے ملزمان کے گناہ مریم نواز کے کھاتے میں ڈالنے لگ جاتا ہے۔
اپنے ایک بیان میں عظمیٰ بخاری نے کہا کہ کیا مریم نواز کے پی حکومت کی طرح 9 مئی کے دہشتگردوں کو پناہ دے؟ یہ بانی پی ٹی آئی کی حکومت نہیں کہ طے کیا جائے کہ کسے اٹھانا ہے کسے چھوڑنا ہے؟
عظمیٰ بخاری کا کہنا تھا کہ یہ مریم نواز کی حکومت ہے جس میں تمام ادارے آزاد اور خود مختار ہیں، 9 مئی کے مقدمات میں نامزد اور مطلوب لوگوں کو سلاخوں کے پیچھے ہونا چاہیے، اشتہاریوں اور مفرووں کو پکڑنا کسی کی خواہش نہیں قانون کا فرض ہے۔
انہوں نے کہا کہ کور کمانڈر کے یونیفارم کی توہین کرنے والے مظلومیت کارڈ اور چادر چار دیواری کارڈ مت کھیلیں، کور کمانڈر ہاؤس بھی کسی کا گھر ہے وہاں بھی چادر اور چار دیواری کو پامال کیا گیا۔
مسلم لیگ ن کی رہنما نے مزید کہا کہ کیا صرف چادر اور چار دیواری تحریک انصاف کے لوگوں کی ہے باقیوں کی نہیں؟
