فرمان الہی
نماز کے اوقات
گورنر سندھ کامران ٹیسوری سے چیئرمین بزنس مین گروپ زبیر موتی والا کی سربراہی میں وفد نے ملاقات کی ہے۔
اس موقع پر وفد نے حالیہ بارشوں کے بعد انفرا اسٹرکچر کی خستہ حالی، سیوریج مسائل اور صنعتی علاقوں میں بجلی کی طویل بندش پر خدشات کا اظہار کیا۔
زبیر موتی والا نے کہا کہ کراچی پاکستان کا بزنس حب ہے، صنعتوں کا پہیہ چلے گا تو ملک آگے بڑھے گا۔
گورنر سندھ نے وفد کو وفاقی تعاون کی یقین دہانی کرواتے ہوئے کہا کہ مسائل کے حل کے لیے صوبائی حکومت سے بھی بات کروں گا، کاروباری برادری کے مسائل کو ترجیحی بنیادوں پر حل کرنا وقت کی اہم ضرورت ہے۔
ملاقات میں وفاقی وزیر خالد مقبول صدیقی سمیت ایم کیو ایم کے رہنما بھی شریک تھے۔
