فرمان الہی
نماز کے اوقات
پاک بھارت جنگ میں 7طیارے گرائے گئے، امریکا کے صدر ڈونلڈ ٹرمپ نے میڈیا سے گفتگو میں کہا کہ انہوں نے پاکستان اور بھارت کی جنگ رکوائی۔
وائٹ ہاؤس میں صحافیوں سے بات کرتے ہوئے ٹرمپ نے کہا کہ انہوں نے ایسی کئی جنگیں رکوائیں جنہیں رکوانے کے بارے میں کوئی سوچ بھی نہیں سکتا تھا۔
ٹرمپ نے کہا کہ ایسی ہی ایک جنگ پاکستان اور بھارت کے درمیان ہونے والی جنگ تھی جو ایٹمی جنگ میں بدل سکتی تھی۔
امریکی صدر نے دعویٰ کیا کہ اس جنگ میں 7 طیارے تباہ ہوچکے تھے اور جنگ بڑھتی جارہی تھی۔
ٹرمپ نے دہرایا کہ انہوں نے تجارت کا استعمال کرتے ہوئے اس جنگ کو رکوایا، انہوں نے جنگ نہ روکنے کی صورت میں تجارت نہ کرنے کی دھمکی دی جس کے بعد 24 گھنٹوں کے اندر جنگ ختم ہوگئی۔
واضح رہے کہ امریکی صدر اب تک 30 سے زائد مرتبہ پاک بھارت جنگ ختم کرانے کا کریڈٹ لے چکے ہیں، ماضی میں ٹرمپ اس جنگ میں گرنے والے طیاروں کی تعداد 5 اور پھر 6 بھی بتا چکے ہیں۔
