فرمان الہی
نماز کے اوقات
وزیراعظم شہباز شریف کا شنگھائی تعاون تنظیم (ایس سی او) اجلاس میں شرکت کےلیے چین کا دورہ طے پا گیا۔
ذرائع کے مطابق وزیراعظم شہباز شریف 30 اگست کو ایس سی او ہیڈ آف اسٹیٹ کونسل اجلاس کےلیے چین جائیں گے۔ اجلاس کے دوران شہباز شریف چینی صدر شی جن پنگ اور روسی صدر ولادیمیر پیوٹن سے ملاقاتیں کریں گے۔
ذرائع کے مطابق وزیراعظم شہباز شریف نے اس دوران ترکیے کے صدر رجب طیب اردوان سے بھی ملیں گے۔
ایس سی او اجلاس میں بھارتی وزیراعظم نریندر مودی کی شرکت بھی متوقع ہے، لیکن شہباز شریف سے اُن کی ملاقات کا امکان نہیں۔
ذرائع کے مطابق دورہ چین کے دوران شہباز شریف کی ایران اور بیلاروس کے صدور، تاجکستان اور ازبکستان کی قیادت سے ملاقاتیں متوقع ہیں۔
سفارتی ذرائع کے مطابق وزیراعظم 3 ستمبر کو چین میں بڑی ملٹری پریڈ میں شریک ہوں گے۔
