• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

افغانستان کو ایشیا کی دوسری بہترین ٹیم کہے جانے پر سلمان آغا مسکرا دیے، ویڈیو سوشل میڈیا پر چھا گئی

اسکرین گریب
اسکرین گریب

پاکستان ٹی ٹوئنٹی کرکٹ ٹیم کے کپتان سلمان علی آغا کی افغانستان کو ایشیا کی دوسری بہترین ٹی ٹوئنٹی ٹیم قرار دینے پر مسکراہٹ سوشل میڈیا پر وائرل ہوگئی۔

 شارجہ میں سہ فریقی سیریز کے آغاز سے قبل پریس کانفرنس کے دوران صحافی نے افغانستان کے کپتان راشد خان سے سوال کیا اور افغانستان کو ایشیا کی دوسری بہترین ٹیم کہا۔

یہ جملہ سنتے ہی سلمان آغا کے تاثرات فوراً بدل گئے اور وہ مسکرانے لگے، ان کی یہ مسکراہٹ کیمرے کی آنکھ نے فوراً قید کر لی اور دیکھتے ہی دیکھتے یہ کلپ سوشل میڈیا پر وائرل ہوگیا۔ 

یاد رہے کہ سہ فریقی ٹی ٹوئنٹی سیریز میں پاکستان، افغانستان اور متحدہ عرب امارات کی ٹیمیں شریک ہیں، یہ سیریز 29 اگست سے 7 ستمبر تک شارجہ میں کھیلی جائے گی، ہر ٹیم ایک دوسرے کے خلاف دو، دو میچز کھیلے گی۔

 افتتاحی میچ میں آج پاکستان اور افغانستان کی ٹیمیں مقامی وقت کے مطابق شام 7 بجے مدمقابل ہوں گی، جبکہ فائنل میچ 7 ستمبر کو ہوگا، اس کے بعد ایشیا کپ 9 سے 28 ستمبر تک یو اے ای میں کھیلا جائے گا۔

کھیلوں کی خبریں سے مزید