فرمان الہی
نماز کے اوقات
افغانستان میں قیامت خیز زلزلے سے لرز اٹھا، دل دہلا دینے والی سی سی ٹی وی فوٹیجز سوشل میڈیا پر وائرل ہوگئیں۔
افغانستان کے صوبے کنڑ میں شدید زلزلے کے جھٹکے ریکارڈ کیے گئے، جس کی سی سی ٹی وی فوٹیجز زلزلے کی شدت کا خوفناک منظر پیش کر رہی ہیں۔
فوٹیج میں واضح طور پر زمین کے لرزنے اور اردگرد کی اشیاء کے ہلنے کے مناظر دیکھے جا سکتے ہیں۔
رپورٹس کے مطابق یہ افغانستان کے حالیہ برسوں کا سب سے طاقتور زلزلہ قرار دیا جا رہا ہے جس نے کنڑ اور قریبی علاقوں کو ہلا کر رکھ دیا۔
عوام میں شدید خوف و ہراس پھیل گیا اور لوگ گھروں اور عمارتوں سے باہر نکل آئے۔
واضح رہے کہ افغانستان میں خوفناک زلزلے سے تقریباً 622 افراد جاں بحق اور 1500 زائد زخمی ہو گئے۔
افغانستان کے خبر رساں ادارے خاما پریس کی رپورٹ کے مطابق زلزلہ مقامی وقت کے مطابق رات 11 بج کر 47 منٹ پر آیا تھا۔
امریکی جیولوجیکل سروے کے مطابق افغانستان میں گزشتہ رات آئے زلزلے کی شدت 6 ریکارڈ کی گئی، جس کی گہرائی 8 کلومیٹر تھی، زلزلے کا مرکز ننگرہار صوبے کے شہر جلال آباد سے 27 کلومیٹر مشرق میں تھا۔
