فرمان الہی
نماز کے اوقات
تحریک تحفظ آئین پاکستان کے رہنما مصطفی نواز کھوکھر نے 26ویں آئینی ترمیم پر فل کورٹ کی تشکیل کے معاملے پر سپریم کورٹ میں درخواست دائر کردی۔
درخواست میں موقف اختیار کیا گیا ہے کہ پریکٹس اینڈ پروسیجر کمیٹی نے 31 اکتوبر کو 26ویں آئینی ترامیم پر فل کورٹ تشکیل دینے کا فیصلہ کیا، جس پر عمل درآمد کرنے کے پابند ہیں۔
درخواست میں کہا گیا کہ پریکٹس اینڈ پروسیجر ایکٹ میں ہونے والی ترامیم آئین اور قانون سے مطابقت نہیں رکھتیں۔ پریکٹس اینڈ پروسیجر ایکٹ کے سیکشن 2، 2 کے مطابق فل کورٹ تشکیل کا فیصلہ قانون کے مطابق ہے اور رجسٹرار یا کوئی اور اتھارٹی کمیٹی کے فیصلے کو ختم نہیں کر سکتی۔
درخواست میں کہا گیا کہ کمیٹی کے فیصلے پر چیف جسٹس کی وضاحت عملدرآمد نہ کرنے کی کوئی قانونی حیثیت نہیں رکھتی۔
سپریم کورٹ میں دائر کی گئی درخواست میں استدعا کی گئی ہے کہ پریکٹس اینڈ پروسیجر کمیٹی کے 31 اکتوبر کے اکثریتی فیصلے پر عملدرآمد کروایا جائے جبکہ کمیٹی کے فیصلے پر عملدرآمد نہ کرنے کےحوالے سے انتظامی فیصلے کو کالعدم قرار دیا جائے۔
