فرمان الہی
نماز کے اوقات
بین الاقوامی جریدے دی ڈپلومیٹ نے عالمی منظر نامے میں پاکستان کی بڑھتی اہمیت پر رپورٹ شائع کی ہے، جس میں کہا گیا کہ امریکی ترجیحات میں تبدیلی آگئی ہے، امریکا کا جھکاؤ بھارت کے بجائے پاکستان کی جانب واضح ہے۔
رپورٹ میں کہا گیا کہ پاکستان امریکا کے لیے جنوبی ایشیا و مشرقِ وسطیٰ میں اہم کردار کا حامل ہے، حالیہ پاک بھارت تنازع نے بھی عسکری طاقت سے متعلق امریکا کے اندازے بدل دیے۔
بین الاقوامی جریدے کا کہنا ہے کہ بدلتے حالات میں بھارت کیلئے نیٹ سیکیورٹی پرووائیڈر کا کردار ادا کرنا مشکل نظر آرہا ہے، پاک امریکا تعلقات کے فروغ سے مشترکہ مفادات میں ہم آہنگی مزید بہتر ہو گئی ہے۔
امریکا اب بھارت کو جنوبی ایشیا میں متبادل شراکت دار کے طور پر نہیں دیکھ رہا، امریکی ترجیحات میں تبدیلی بھارت کے لیے پریشانی کا باعث ہے، پاکستان بھارت کےساتھ تعلقات بہتر کرنے کے لیے آمادگی دکھاتا آرہا ہے، پاکستان کے مطابق بھارت نے امن کی پیشکش کا جواب ہمیشہ کشیدگی بڑھا کر دیا، مئی 2025 میں پاک بھارت تنازع نے ایٹمی تصادم کے خدشات کو بڑھا دیا۔
جریدے کا کہنا ہے کہ امریکا نے پاک بھارت جنگ بندی میں کردار ادا کیا، بھارت کا مذاکرات سے مسلسل انکار امریکا سے تعلقات میں بگاڑ پیدا کر رہا ہے، پاکستان امریکا کے لیے جنوبی ایشیا و مشرقِ وسطیٰ میں اہم کردار کا حامل ہے۔
