فرمان الہی
نماز کے اوقات
لاہور کے علاقے موہلنوال میں قائم سیلاب ریلیف کیمپ میں خاتون کے ہاں بیٹے کی پیدائش ہوئی ہے۔
ریلیف کیمپ میں رہائش پزیر خاتون اور بچہ صحت مند ہیں، کیمپ میں متعدد افراد نے بچے کو تحفے تحائف دیے۔
ادھر بہاولپور میں دریائے ستلج میں سیلابی ریلہ بپھرنے لگا، زمیندارہ بند ٹوٹنے سے پانی ملحقہ بستیوں میں داخل ہو گیا۔
صورتِ حال سے سیلاب متاثرین شدید پریشان ہیں، جنہوں نے حکومت سے مدد کی اپیل کر دی۔
بہاولنگر میں سیلاب سے 143 دیہات متاثر ہو گئے، 1 لاکھ سے زائد افراد نقل مکانی پر مجبور ہو گئے، دریائے ستلج میں گنڈا سنگھ کے مقام پر پانی کی سطح میں کمی ہو گئی، مگر اونچے درجے کا سیلاب برقرار ہے۔
دریائے راوی میں مائی صفوراں کے بند سے نکلنے والے ریلے نے کبیر والا کے 40 دیہات کو ڈبو دیا، جس سے 80 ہزار سے زائد لوگ بے گھر ہو گئے۔
سیلاب سے فصلوں اور گھروں کو شدید نقصان پہنچا ہے، سرکاری عمارتیں بھی سیلاب کی زد میں آ گئیں۔
