فرمان الہی
نماز کے اوقات
سہ ملکی ٹی ٹوئنٹی سیریز کے فائنل میں پاکستان نے افغانستان کو جیت کے لیے 142 رنز کا ہدف دے دیا۔
پاکستان نے افغانستان کے خلاف ٹاس جیت کر پہلے بیٹنگ کا فیصلہ کیا تھا۔
پاکستان نے پہلے بیٹنگ کرتے ہوئے مقررہ 20 اوورز میں 8 وکٹ کے نقصان پر 141 رنز اسکور کیے۔
فخر زمان نے 27، محمد نواز نے 25 اور سلمان آغا نے 24 رنز بنائے۔
افغانستان کے راشد خان نے 3، نور احمد اور فضل الحق فاروقی نے 2 ، 2 وکٹیں حاصل کیں۔
شارجہ کرکٹ اسٹیڈیم میں کھیلے جا رہے ٹی 20 میچ کے ٹاس کے لیے گرین شرٹس کے کپتان سلمان علی آغا اور افغان ٹیم کے قائد راشد خان میدان میں اترے۔
پاکستان ٹیم میں ایک تبدیلی کی گئی ہے، سلمان مرزا کی جگہ سفیان مقیم کو شامل کیا گیا ہے۔
پاکستانی اسکواڈ کپتان سلمان علی آغا، صاحبزادہ فرحان، صائم ایوب، فخر زمان، حسن نواز، محمد حارث، فہیم اشرف، شاہین آفریدی، سفیان مقیم اور ابرار احمد پر مشتمل ہے۔
تماشائیوں کی بڑی تعداد میچ شروع ہونے سے کئی گھنٹے پہلے ہی شارجہ اسٹیڈیم پہنچ گئی تھی۔
شارجہ میں آج موسم خاصا گرم ہے، شدت 52 سینٹی گریڈ محسوس کی جا رہی ہے۔
پاکستان، افغانستان اور متحدہ عرب امارات کے درمیان ہونے والی سیریز میں یو اے ای ٹیم کو اپنے چاروں میچز میں شکست کا سامنا کرنا پڑا جبکہ فائنل کھیل دونوں ٹیموں کے حصے میں ایک ایک شکست آئی ہے۔
