فرمان الہی
نماز کے اوقات
ٹی20 ایشیا کپ 2025ء کے افتتاحی میچ میں افغانستان نے ہانگ کانگ کو 94 رنز سے شکست دے دی۔
ابوظبی میں کھیلے گئے میچ میں ہانگ کانگ کی ٹیم 189 رنز کے ہدف کے تعاقب میں 9 وکٹ پر 94 رنز اسکور کیے۔
ہانگ کانگ کے بابر حیات 39 اور یاصم مرتضیٰ 16 رنز کے ساتھ نمایاں بیٹر رہے۔
افغانستان کے فضل حق فاروقی اور گلبدین نائب نے 2،2 وکٹ حاصل کی جبکہ راشد خان، عظمت اللّٰہ عمر زئی اور نور احمد نے 1،1 وکٹ اپنے نام کی۔
میچ میں عظمت اللّٰہ عمر زئی نے آل راؤنڈ پرفارمنس کا مظاہرہ کیا، جس پر انہیں میچ کا بہترین کھلاڑی قرار دیا گیا۔
ایونٹ کے پہلے مقابلے میں صدیق اللّٰہ اٹل اور عظمت اللّٰہ عمر زئی کی عمدہ بیٹنگ کی بدولت افغانستان نے مقررہ 20 اوورز میں 6 وکٹ پر 188 رنز بنائے۔
اوپننگ بیٹر صدیق اللّٰہ اٹل نے 73 رنز کی ناقابل شکست باری کھیلی، انہوں نے اس دوران 3 چھکے اور 6 چوکے لگائے۔
رحمان گر باز 8، گلبدین نائب 5، کریم جنت 2 ، ابراہیم زدران 1 اور محمد نبی نے 33 رنز بنائے۔
عظمت اللّٰہ عمر زئی نے 21 گیندوں پر 53 رنز کی دھواں دار اننگز کھیلی، جس میں 5 چھکے اور 2 چوکے شامل تھے، جبکہ کپتان راشد خان 3 رنز کے ساتھ ناٹ آؤٹ رہے۔
ہانگ کانگ کی جانب سے کنچت شاپ اور آیوش شکلا نے 2، 2 وکٹیں حاصل کیں، جبکہ احسان خان اور عتیق اقبال نے 1، 1 کھلاڑی کو آؤٹ کیا۔
ایونٹ میں پاکستان، بھارت، سری لنکا، افغانستان، بنگلادیش، یو اے ای، عمان اور ہانگ کانگ کی ٹیمیں شریک ہیں، جو 28 ستمبر تک جاری رہے گا۔ سب سے بڑا میچ پاکستان اور بھارت کے درمیان 14 ستمبر کو کھیلا جائے گا۔
