فرمان الہی
نماز کے اوقات
دبئی میں ہونے والے ایشیا کپ 2025 میں پاکستان بھارت کا میچ قریب آتے ہی ٹکٹس کی مانگ میں اضافہ دیکھنے میں آ رہا ہے۔
منتظمین کے مطابق، نوے فیصد ٹکٹس پہلے ہی فروخت ہوچکے ہیں اور جنرل انکلوژر کے تقریباً تمام ٹکٹس بھی مکمل طور پر شائقین کرکٹ خرید چکے ہیں۔
پاک بھارت میچ کیلئے جمعرات کی شام تک دستیاب ٹکٹس کی کم از کم قیمت 750 درہم (تقریباً 57 ہزار پاکستانی روپے) تھی، جبکہ پریمیئم ٹکٹ 3,500 درہم (تقریباً 2 لاکھ 70 ہزار پاکستانی روپے) میں دستیاب ہیں۔
پاک بھارت میچ کے ٹکٹس کی تعداد اب انتہائی محدود ہے البتہ شائقین کیلئے دبئی کرکٹ اسٹیدیم کے قریب بنائے گئے ٹکٹس باکس میں بھی خریدے جا رہے ہیں۔
ٹکٹس کی دستیابی کو مزید آسان بنانے کے لیے منتظمین نے جمعرات کی شام کو نئی آن لائن ونڈو بھی کھول دی تھی، تاکہ شائقین بروقت اپنی نشستیں یقینی بنا سکیں۔
دبئی میں پاک بھارت میچ کے شائقین کے لیے سب سے زیادہ پسندیدہ مقابلہ قرار دیا جاتا ہے۔
