فرمان الہی
نماز کے اوقات
ایشیا کپ 2025ء کے سلسلے میں پاکستان اور بھارت کے درمیان ہونے والے بڑے ٹاکرے سے قبل ہی کرکٹ کے شائقین میں جوش و ولولہ نظر آ رہا ہے۔
قومی کرکٹ ٹیم کے سابق کپتان شاہد آفریدی نے ایک بار پھر بیان دے کر شدت پسند بھارتیوں کو آگ بگولہ کر دیا ہے۔
جہاں شاہد آفریدی نے ’وَرلڈ چیمپئن شپ آف لیجنڈز‘ پر دوبارہ سخت تنقید کی وہیں اُنہوں نے آئندہ اتوار کو پاک بھارت کے درمیان ہونے والے میچ پر اپنی رائے کا اظہار بھی کیا ہے۔
نجی ٹی وی چینل پر گفتگو کرتے ہوئے شاہد آفریدی نے کہا، ’ہمیشہ میرا کا مؤقف رہا ہے کہ دونوں ممالک کے درمیان کرکٹ کو جاری رہنا چاہیے کیونکہ اس سے دونوں ملکوں کے تعلقات بہتر بنانے میں مدد ملتی ہے۔‘
انہوں نے مزید کہا، ’انگلینڈ میں میچ کے لیے لوگ ٹکٹ خرید چکے تھے، کھلاڑیوں نے پریکٹس بھی کر لی تھی اور پھر بھی بھارت نے کھیلنے سے انکار کر دیا، یہ سوچ کیا تھی؟ میں آج تک نہیں سمجھ سکا۔‘
شاہد آفریدی نے بھارتیوں کی شدت پسند سوچ پر طنز کرتے ہوئے کہا، ’بھارت کے کچھ کھلاڑی آج بھی یہ ثابت کرنے کی کوشش کر رہے ہیں کہ وہ بھارتی ہیں، وہ جب سے ہندوستان میں پیدا ہوئے ہیں یہی ثابت کرنے کی کوشش میں لگے ہیں کہ ہم محب وطن ہیں، وہ کھلاڑی ایشیا کپ میں کمنٹری بھی کر رہے ہیں۔‘
اِن کا کہنا تھا کہ اگر بھارتی ٹیم ہار جائے تو عوام اِن کے گھروں کو جلانے کے لیے پہنچ جاتے ہیں اور طرح طرح کی دھمکیاں دینے پر اتر آتے ہیں، ہمارے ملک میں یہ روایت نہیں ہے، ہم صبر شکر کر لیتے ہیں۔
