فرمان الہی
نماز کے اوقات
بالی ووڈ اداکارہ دیشا پٹانی کے گھر کے باہر فائرنگ کرنے والے 2 ملزمان پولیس مقابلے میں مارے گئے۔
بھارتی میڈیا رپورٹس کے مطابق پولیس کا کہنا ہے کہ واقعہ 12 ستمبر کی صبح تقریباً 4 بج کر 30 منٹ پر سول لائنز، بریلی میں پیش آیا، جہاں اداکارہ کے گھر کے باہر متعدد فائر کیے گئے۔
اس حملے کے وقت اداکارہ اپنے اہل خانہ کے ہمراہ گھر پر موجود تھیں، تاہم خوش قسمتی سے کسی جانی نقصان کی اطلاع نہیں ملی۔
بعدازاں اس واقعے کی ذمہ داری کینیڈا میں مقیم گینگسٹر گولڈی برار کے گینگ نے قبول کی تھی۔
تاہم پولیس کے مطابق دیشا پٹانی کی رہائش گاہ پر فائرنگ کرنے والے 2 ملزمان گزشتہ روز اتر پردیش کے علاقے غازی آباد میں پولیس مقابلے میں مارے گئے۔ دونوں ملزمان کا تعلق ممتاز بین الاقوامی جرائم پیشہ گروہ سے ہے۔
ملزمان کی شناخت رویندر اور ارون کے طور پر ہوئی ہے۔ رویندر کا تعلق روہتک سے جبکہ ارون سونی پت کا رہائشی تھا۔ ملزمان کے قبضے سے بھاری مقدار میں اسلحہ برآمد کیا گیا ہے، جس میں 1 گلوک پستول، 1 زیگانہ پستول، اور متعدد کارتوس شامل ہیں۔
