فرمان الہی
نماز کے اوقات
ٹی20 ایشیا کپ کے 12ویں میچ میں بھارت نے عمان کے خلاف ٹاس جیت کر پہلے بیٹنگ کرنے کا فیصلہ کیا ہے، ٹاس کے وقت بھارت اور عمان کے کپتان ٹیم میں تبدیل کھلاڑیوں کے نام بھول گئے۔
ٹی ٹوئنٹی ایشیا کپ کے آخری گروپ میچ میں بھارت کے کپتان سوریا کمار یادیو ٹاس کے بعد گفتگو کرنے کے دوران اپنی ٹیم کی پلیئنگ الیون میں تبدیلیوں کا اعلان کرتے ہوئے ایک کھلاڑی کا نام بھول گئے۔
بھارتی کرکٹ ٹیم میں دو تبدیلیاں کی گئی ہیں، کپتان سوریا کمار نے ایک تبدیلی کا بتا دیا، دوسرے کھلاڑی کا نام بھول گئے، اس موقع پر پریزینٹر روی شاستری سے مذاق میں سوریا کمار نے کہا کہ ان کی یادداشت بھی سابق کپتان روہت شرما کی طرح ہوگئی ہے۔
جب ٹیم کی تبدیلیوں کا ذکر آیا تو انہوں نے کہا کہ ٹیم میں ہرشیت رانا آ ر ہے ہیں اور ایک اور لڑکا بھی ہے، میں روہت کی طرح ہو گیا ہوں۔
بعد میں سابق ہیڈ کوچ روی شاستری نے واضح کیا کہ دوسرے کھلاڑی کا نام ارشدیپ سنگھ ہے، جو بمراہ کی جگہ ٹیم میں شامل ہوئے ہیں۔
