فرمان الہی
نماز کے اوقات
ہینڈ شیک تنازع کے بعد ایک بار پھر پاک بھارت ٹیمیں ایشیا کپ میں آمنے سامنے آئیں گی، وہی ٹیمیں، وہی میدان اور وہی میچ ریفری اینڈی پائی کرافٹ، دونوں ٹیمیں کل سپر فور مرحلے میں آمنے سامنے ہوں گی۔
آج پاکستان ٹیم پریکٹس کرے گی لیکن پریس کانفرنس نہیں کرے گی۔
اس سے پہلے گزشتہ روز بھارتی کپتان سوریا کمار یادو نے پریس کانفرنس کی، ان سے سوال ہوا کہ پاکستان کے خلاف میچ میں اچھا کیا، کیا باقی چیزیں بھی اچھی کريں گے؟
بھارتی کپتان سوال میں چھپی پاکستان ٹیم سے ہاتھ نہ ملانے کی بات گول کر گئے اور جواب دیا کہ اچھا! آپ اچھی بولنگ کی بات کر رہے ہیں، جی ہم ایسا ہی کريں گے۔
خیال رہے کہ 14 ستمبر کو ہوئے پاک بھارت پہلے میچ میں نہ ٹاس کے وقت دونوں کپتانوں کا ہینڈ شیک ہوا نہ میچ کے اختتام پر دونوں ٹیموں کا روایتی ہینڈ شیک ہوا، اسی میچ کے آغاز سے پہلے میچ ریفری اینڈی پائی کرافٹ نے پاکستانی کپتان سلمان علی آغا سے کہا تھا کہ بھارتی کپتان سے ہاتھ نہ ملانا۔
اس رویے پر پاکستان ٹیم نے اعتراض کیا، آئی سی سی کو خط لکھا، ریفری کو ہٹانے کا مطالبہ کیا تھا، لیکن دوسرے میچ سے پہلے اینڈی پائی کرافٹ نے پاکستان ٹیم سے معذرت کرلی تھی۔
