• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عوامی مفاد اور امن ترجیح، کشمیری عوام کے تمام تحفظات دور کریں گے، شہباز شریف

آج کا اخبار
ملک بھر سے
09 اکتوبر ، 2025
اسلام آباد( نیو زرپورٹر) وزیرِ اعظم شہباز شریف نے کہا ہے کہ آزاد کشمیر کے مسائل پر ہمیشہ توجہ رہی ہے اور میری حکومت نے ہمیشہ ترجیحی بنیادوں پر ان مسائل کو حل کیا ، عوامی مفاد اور امن ہماری ترجیح ہے،کشمیری عوام کے تمام تحفظات کو دور کیا جائے گا،کشمیری عوام کی امنگوں کے مطابق انکی ترقی و خوشحالی کیلئے اقدامات اٹھاتے رہیں گے، آزاد کشمیر کے مسائل پر ہمیشہ توجہ رہی  ہے  ، کشمیری عوام کی امنگوں کے مطابق انکی ترقی و خوشحالی کیلئے اقدامات اٹھاتے رہیں گے۔ انہوں نے ان خیا لا ت کا اظہار بدھ کے روز آزاد کشمیر میں مذاکرتی عمل کی کامیابی کے بعد حکومتی مذاکراتی کمیٹی سے اسلام آباد میں ملاقات کے دوران کیا،معاملات  حل کرنے کیلئے کوششوں کی پذیرائی کی۔ملاقات میں راجہ پرویز اشرف، قمر زماں کائرہ، مشیر وزیرِ اعظم رانا ثناء اللہ، وفاقی وزراء احسن اقبال، محمد اورنگزیب، سردار محمد یوسف، ڈاکٹر طارق فضل چوہدری، احد خان چیمہ اور چیئرمین یوتھ پروگرام رانا مشہود احمد خان شریک تھے، وزیراعظم نے مذاکراتی کمیٹی کے ارکان کی کشمیر میں معاملات کو احسن طور سے حل کرنے کیلئے کوششوں کی پذیرائی کی۔وزیر اعظم نے کمیٹی کے ارکان سے گفتگو میں کہا کہ جوائنٹ ایکشن کمیٹی نے بھی کشمیر کی ترقی و خوشحالی کیلئے معاملہ فہمی کا مظاہرہ کیا جس کیلئے وہ لائق تحسین ہیں، انہوں نے کہا کہ کشمیر میں تمام معاملات خوش اسلوبی سے حل ہوئے، کشمیری عوام کے تمام تحفظات کو دور کیا جائے گا۔
ملک بھر سے سے مزید