فرمان الہی
نماز کے اوقات
وزیر دفاع خواجہ آصف کا کہنا ہے کہ بھارت کے بیانات اس بات کی شہادت ہے کہ وہ دوبارہ کوئی ایڈونچر کرے گا، اسے پہلے سے زیادہ منہ توڑ جواب دیا جائے گا۔
سیالکوٹ میں جیو نیوز سے گفتگو کرتے ہوئے خواجہ آصف نے کہا کہ بھارت نے جو ذلت اٹھائی اور اپنی کھوئی عزت بحال کرنے کیلئے یہ اقدام کرے گا، بھارت کو جو خوش فہمی یا غلط فہمی تھی وہ نکال دی گئی ہے۔
خواجہ آصف نے کہا کہ افغانستان سے تعلقات بگاڑ کی طرف جا رہے ہیں، پہلے بھی ٹھیک نہیں تھے، افغانستان پاکستان میں دہشت گردی ایکسپورٹ کر رہا ہے، اس فضا میں تعلقات میں مزید بگاڑ پیدا ہوگا جو ہماری خواہش نہیں، اچھے ہمسائے کی طرح تعلقات ہونے چاہیے جو وقار کی بات ہوگی۔
وزیر دفاع نے کہا کہ پاکستان کے جن علاقوں میں دہشت گرد پناہ لیتے ہیں مکینوں کو علم ہوتا ہے، محلے میں اگر کوئی باہر سے آئے تو مجھے تیسرے دن ضرور علم ہو جائے گا، اگر ان علاقوں کے لوگ خاموش رہیں گے تو یہ نیم رضا مندی ثابت ہوگی، پاکستان کے محب وطن شہری کا نقصان نہیں ہونے دیں گے۔
