خیرپور(بیورو رپورٹ) پولیس نے ضلع کے مختلف علاقوں میں جرائم پیشہ افراد کے خلاف سرچ آپریشن کر کے 7 اشتہاری مجرموں کو گرفتار کرلیا اے ایس پی محمد عمران کھوکھر نے اپنے دفتر میں پریس کانفرنس میں بتا یا کہ جرائم پیشہ افراد کی مختلف علاقوں میں موجودگی کی اطلاع پر پولیس کی ٹیمیں تیار کر کے نشاندہی کیئے گئے علاقوں میں سرچ آپریشن کیا گیا اور سنگین مقدمات میں مطلوب 7 اشتہاری ڈاکوؤں کو گرفتار کیا گیا گرفتار کیے جانے وا لوں میں غلام محمد عرف غلاوں ناریجو ،ضیاء الرحمان خواجو ،اویس کھوڑو ،عابد میمن ،عامر میمن اور رب پرتو پھلپو ٹو شامل ہیں ڈاکو غلام محمد عرف غلاموں ناریجو نے 2009 میں تین افراد علی حسن ناگراج ، عبد الرحیم ناگراج اور محمد صدیق سومرو کو اغوا کر کے بھاری تاوان مانگا تاوان نہ دینے پر ملزم نے تینوں مغویوں کو قطار میں کھڑا کر کے قتل کیا جبکہ ڈاکو غلاموں ناریجو نے کلہوڑا برادری کے 6 افراد وحید کلہوڑو ، زین الدین کلہوڑو ، رجب کلہوڑو ،احسان کلہوڑو ، ساجد کلہوڑو اور منور کلہوڑو کو قبائلی دشمنی پر قتل کیا اسی طرح دیگر گرفتار ملزمان بھی قتل لوٹ مار اور دیگر وارداتوں میں مطلوب تھے ملزمان کے قبضے سے بھاری ا سلحہ بھی بر آمد کیا گیا ہے۔ ہے۔
فرمان الہی
نماز کے اوقات
