فرمان الہی
نماز کے اوقات
اسرائیلی فوج نے الزام عائد کیا ہے کہ آج حماس کی جانب سے ’یلو لائن‘ کے مقام پر اسرائیلی فوج پر 3 حملے کیے گئے ہیں۔
اسرائیلی فوج کا کہنا ہے کہ حماس کی غزہ جنگ بندی کی خلاف ورزیوں پر آج مزید کارروائی کر سکتے ہیں، حماس کے انفرااسٹرکچر اور اہلکاروں کے خلاف سخت کارروائی کی جائے گی۔
ترجمان اسرائیلی حکومت نے دعویٰ کیا ہے کہ اسرائیل جنگ بندی کی شرائط پر مکمل عمل کر رہا ہے۔
ترجمان اسرائیلی حکومت کا کہنا ہے کہ جنگ بندی جاری ہے مگر اسرائیلی فوجی اپنی دفاعی کارروائی کر سکتے ہیں۔
اسرائیلی حکام کا یہ بھی کہنا ہے کہ حماس کی جنگ بندی کی خلاف ورزی پر غزہ میں امداد روک دی گئی ہے۔
اسرائیلی فوج نے کہا ہے کہ جنوبی غزہ میں اسرائیل کے 2 فوجی مارے گئے ہیں۔
دوسری جانب فلسطینی مزاحمتی تنظیم حماس نے اسرائیل کا رفح میں جھڑپوں کا بیان مسترد کر دیا اور کہا ہے کہ رفح کا علاقہ اسرائیل کے کنٹرول میں ہے اور مارچ سے وہاں تمام گروپوں سے رابطہ منقطع ہے۔
حماس نے اپنے بیان میں کہا ہے کہ اپنے تمام وعدوں بشمول غزہ جنگ بندی پر مکمل عمل درآمد کے لیے پُرعزم ہیں۔
حماس کا کہنا ہے کہ رفح میں اسرائیلی افواج سے کسی جھڑپ یا واقعے سے واقف نہیں ہیں۔
