• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان میں صرف 2.5 فیصد خواتین اپنے نام پر گھر کی مالک

آج کا اخبار
ملک بھر سے
25 اکتوبر ، 2025
اسلام آباد (خبر نگار) خواتین کی زمینوں اور جائیداد کی ملکیت کی حیثیت کے حوالے سے قومی اسمبلی کی جینڈر مین اسٹریمینگ کمیٹی کے اجلاس میں صوبوں سے زمینوں کے ریکارڈز کے اعداد و شمار طلب کر لئے گئے۔ اجلاس کے دوران ادارہ شماریات جانب سے کمیٹی کو بتایا گیا کہ پاکستان میں صرف 2.5 فیصد خواتین اپنے نام پر گھر کی مالک ہیں جبکہ 7.5 فیصد خواتین مشترکہ جائیداد میں حصہ رکھتی ہیں،کمیٹی نے ان اعداد و شمار پر عدم اطمینان کا اظہار کرتے ہوئے صوبائی حکام اور وفاقی بیورو سے خواتین کی جائیداد اور اثاثہ جات کی تفصیلی رپورٹ طلب کر لی۔ کمیٹی کی چیئرپرسن ڈاکٹر نفیسہ شاہ نے کہا کہ ملک میں ایسی مربوط معلومات دستیاب نہیں جن سے خواتین کی منقولہ و غیر منقولہ جائیدادوں کی ملکیت کے رجحانات کا تعین کیا جا سکے۔
ملک بھر سے سے مزید