فرمان الہی
نماز کے اوقات
کینیڈین وزیرِ اعظم مارک کارنی کا کہنا ہے کہ اینٹی ٹیرف اشتہار پر امریکی صدر ڈونلڈ ٹرمپ سے معافی مانگی ہے، وہ ناراض تھے۔
ایک بیان میں ان کا کہنا ہے کہ امریکا جب تیار ہو گا تو تجارتی مذاکرات دوبارہ شروع ہو جائیں گے، امریکا اپنے تمام تجارتی تعلقات کو تبدیل کر رہا ہے۔
کینیڈین وزیرِ اعظم نے کہا کہ کینیڈا کی اب بھی امریکا کے ساتھ بہترین تجارت ہے، جنوبی کوریا کے ساتھ سیکیورٹی اور دفاع پر تعاون کو گہرا کریں گے، چینی صدر کے ساتھ مجموعی طور پر تعمیری بات چیت رہی۔
واضح رہے کہ کینیڈین وزیر اعظم مارک کارنی کی ایشیا پیسیفک سربراہی اجلاس کے موقع پر جاپان کی وزیرِ اعظم سے ملاقات ہوئی ہے۔
کینیڈین وزیرِ اعظم کے دفتر کے مطابق اس موقع پر دونوں رہنماؤں نے اقتصادی تعلقات کو وسعت دینے پر تبادلۂ خیال کیا۔
غیر ملکی خبر ایجنسی کے مطابق امریکی صدر ڈونلڈ ٹرمپ نے ٹیرف اشتہار کے بعد کینیڈا کے ساتھ تمام تجارتی مذاکرات ختم کر دیے تھے۔
