فرمان الہی
نماز کے اوقات
کراچی میں پاکستان پیپلز پارٹی (پی پی پی) کی سینٹرل ایگزیکٹو کمیٹی کا اجلاس میں حکومتی تجویز کردہ ایگزیکٹو مجسٹریٹس اختیارات کے آرٹیکل پر غور کیا ہے۔
ذرائع کا کہنا ہے کہ ایگزیکٹو مجسٹریٹس اختیارات کے لیے آرٹیکل 175 اور شق 3 میں تبدیلی کی تجویز ہے۔
ذرائع نے بتایا ہے کہ ایگزیکٹیو مجسٹریٹس کے اختیارات پر پیپلز پارٹی میں اتفاقِ رائے نہیں ہے، بیشتر اراکین کی رائے ہے کہ اختیارات میں تبدیلی نہیں کرنی چاہیے۔
دوسری جانب 27 ویں آئینی ترمیم پر پیپلز پارٹی اور حکومت کا ڈیڈ لاک برقرار ہے۔ پیپلز پارٹی کل کے اجلاس میں مسلح افواج میں تعیناتیوں کے آرٹیکل 243 میں تبدیلی کے سوا مجوزہ 27ویں ترمیم کے تمام نکات مسترد کرچکی ہے۔
حکومت نے پیپلز پارٹی کا موقف سامنے آنے کے بعد 27ویں ترمیم کی منظوری کے لیے آج ہونے والا وفاقی کابینہ کا اجلاس ملتوی کردیا۔
گذشتہ روز بلاول نے کہا تھا کہ پیپلز پارٹی صوبائی خود مختاری کی شق اور این ایف سی فارمولے میں تبدیلی کی تجویز مسترد کر رہی ہے۔ آئینی عدالت پر چاہتے ہیں کہ چاروں صوبوں کی برابر نمائندگی ہو۔ مجوزہ 27ویں ترمیم پر ایم کیو ایم اور مسلم لیگ ق سمیت دیگر اتحادی جماعتیں حکومت کی حمایت کرچکی ہیں۔
