• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

قتل و زیادتی کی دفعات کے تحت مقدمہ درج، مقدمہ میں نامزد تین افراد گرفتار

میرا شہر
اسلام آباد
08 نومبر ، 2025
اسلام آباد (خصوصی نامہ نگار)گوجرخان میں خاتون کے جاں بحق ہونے کے واقعہ پر سی پی او سید خالد ہمدانی نے نوٹس لے لیا،ایس پی صدر سے رپورٹ طلب کر لی، مقدمہ درج کر کے حقائق پر تفتیش کا حکم،خاتون کی وفات کے حوالے سے شوہر کے بیان پر قتل و زیادتی کی دفعات کے تحت مقدمہ درج، مقدمہ میں نامزد تین افراد گرفتارکر لئے ۔تفصیلات کے مطابق گوجرخان میں خاتون کے جاں بحق ہونے کے واقعہ پر سی پی او سید خالد ہمدانی نے نوٹس لے لیا،سی پی او نے ایس پی صدر سے رپورٹ طلب کی، مقدمہ درج کر کے حقائق پر تفتیش کا حکم دیا،خاتون کی وفات کے حوالے سے شوہر کے بیان پر قتل و زیادتی کی دفعات کے تحت مقدمہ درج کیاگیا، مقدمہ میں نامزد تین افرادکو گرفتار کرلیا،مدعی مقدمہ کے مطابق ملزمان نے دھوکہ دہی سے اسکی اہلیہ سے زیور لیا، بلیک میل کیا اور زیادتی بھی کی، مدعی مقدمہ کے مطابق اسکی اہلیہ کو زہر دے کر قتل کیا گیا، مقدمہ کی تفتیش ایس ایس پی انویسٹیگیشن کی زیرنگرانی میرٹ پر کی جا رہی ہے، میرٹ پر تفتیش کرتے ہوئے حقائق کو سامنے لایا جائے گا، ملزمان کو ٹھوس شواہد کے ساتھ چالان عدالت کر کے قرار واقعی سزا دلوائی جائے گی۔دریں اثنا تفصیلات کے مطابق تھانہ صدر بیرونی نے کاروائی کرتے ہوئے پسند کی شادی کرنے پر اپنی سگی ہمشیرہ کو قتل اور بہنوئی کو زخمی کرنے والے اشتہاری کو گرفتار کرلیا۔
اسلام آباد سے مزید