فرمان الہی
نماز کے اوقات
کوئٹہ(آئی این پی) کوئٹہ سے پشاور کے درمیان چلنے والی ٹرین سروس جعفر ایکسپریس 13نومبر تک ملتوی کردی گئی۔ تفصیلات کے مطابق ریلوے انتظامیہ نے کوئٹہ اور پشاور کے درمیان چلنے والی جعفر ایکسپریس کی آمدورفت اتوار 9نومبر سے 13 نومبر تک معطل کرنے کا اعلان کیا ہے۔حکام کے مطابق ٹرین سروس کو آپریشنل وجوہات کی بنا پر عارضی طور پر معطل کیا گیا ہے۔انتظامیہ کا کہنا ہے کہ مسافروں کی سہولت اور نظام کی بہتری کیلئے ضروری اقدامات کئے جا رہے ہیں، جس کے بعد جعفر ایکسپریس کی سروس دوبارہ بحال کر دی جائے گی۔ دوسری جانب چمن اور کوئٹہ کے درمیان چلنے والی چمن پسنجر ٹرین معمول کے مطابق اپنے شیڈول پر چلے گی۔
